ରାୟଗଡା ଗୁଣୁପୁର୨୩/୧୦ (ପୂର୍ଣ୍ଣ ଚନ୍ଦ୍ର ଶବର) ରାୟଗଡା ଜିଲ୍ଲା ପଦ୍ମପୁର ବ୍ଲକ ଅନ୍ତର୍ଗତ ଖମାପଦର ଆଦର୍ଶ ପଞ୍ଚାୟତରେ ସରପଞ୍ଚଙ୍କ କାର୍ଯ୍ୟଶୈଳୀକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିବା ଅଭିଯୋଗ ହୋଇଛି। ପଞ୍ଚାୟତର ବିଭିନ୍ନ ବିକାଶମୂଳକ କାର୍ଯ୍ୟ, ସରକାରୀ ଯୋଜନାର କାର୍ଯ୍ୟକାରିତା ଏବଂ ପଞ୍ଚାୟତ ପରିଚାଳନାରେ ସ୍ୱଚ୍ଛତାର ଅଭାବ ଥିବା ସହ ସରପଞ୍ଚ ଏକତରଫା ଭାବେ ନିଷ୍ପତ୍ତି ନେଉଥିବା ନେଇ କିଛି ଗ୍ରାମବାସୀ ଅଭିଯୋଗ କରିଛନ୍ତି।ଅଭିଯୋଗକାରୀମାନଙ୍କ କହିବା ଅନୁଯାୟୀ, ପଞ୍ଚାୟତର ଅନେକ କାର୍ଯ୍ୟରେ ଜନପ୍ରତିନିଧି ଓ ସାଧାରଣ ଲୋକଙ୍କ ମତାମତକୁ ଗୁରୁତ୍ୱ ଦିଆଯାଉନାହିଁ। ଏହା ଫଳରେ ଲୋକଙ୍କ ମଧ୍ୟରେ ଅସନ୍ତୋଷ ବଢ଼ୁଥିବା ସେମାନେ କହିଛନ୍ତି। ଏହି ଘଟଣାର ତଦନ୍ତ କରି ଆବଶ୍ୟକ ପଦକ୍ଷେପ ନେବା ପାଇଁ ପ୍ରଶାସନଙ୍କ ନିକଟରେ ଦାବି ଉଠିଛି।ତେବେ ଏହି ଅଭିଯୋଗ ସମ୍ପର୍କରେ ସରପଞ୍ଚଙ୍କ ପ୍ରତିକ୍ରିୟା ମିଳିପାରିନାହିଁ। ତାଙ୍କ ପକ୍ଷରୁ ମତାମତ ମିଳିଲେ ତାହାକୁ ମଧ୍ୟ ପ୍ରକାଶ କରାଯିବ।